|
 Información sobre XXXI Selmana de les Lletres Asturianes [PDF] Trabayos de los escolinos del colexu Evaristo Valle:
Primer ciclu
Siguiéronse dos llinies de trabayu: 1) Colos materiales aportaos pola Conseyería trabayóse la fauna protexía y centrámonos na xera al rodiu del osu. Utilización de la pizarra dixital pal trabayu con estos materiales. 2) Espacios y paisaxes naturales d' Asturies.- Usu del programa Paint pa reproducir distintos paisaxes asturianos (d' interior, de montaña, de costa,..) y d' entornos nos que vive l' osu pardu.
Segundu Ciclu Ellaboración de presentaciones sobre fauna asturiana, especialmente la protexía y/o en peligru d' estinción. Tomando como soporte principal los materiales aportados pola conseyería pa esti ciclu, propúsose 'l programa Open Office Impress pal diseñu de presentaciones. Fízose una esplicación sobre 'l so funcionamientu cola ellaboración d' una presentación a mou d' exemplu, na que pudieron vese les ferramientes elementales de l' aplicación, destacando les pautes básiques pal diseñu d’ una presentación, y l' esquema a siguir nesti casu. Ufiertóse la posibilidá de buscar les semeyes y/o dibuxos n' Internet. Cada escolín/escolina diba escoyer un animal y ellaborar la presentación. Una vez finaes, guardariénles nuna carpeta creada a tal fin pa ser revisaes pola maestra. Conversión a PDF y/o SWF. Publicación na web de la escuela d’ una muestra. Tercer Ciclu 5u.- Ellaboración de presentaciones sobre Espacios naturales d' Asturias. Materiales d' apoyu: información buscada n' Internet y nos materiales de la Conseyeria, una vez que tuvieron publicacaos. Propúsose 'l programa Open Office Impress pal diseñu de les presentaciones. 6u.- Ellaboración de presentaciones sobre Fauna asturiana. Procesu similar al del segundu ciclu, previa recopilación nun documento de testu de tola información alcontrada y seleicionada (y qu’ en munchos caos, tuvo que ser tornada al asturianu).
Definióse un esquema común pa ellaborar el trabayu de cada animal (cómo ye, ónde vive, de qué s' alimenta y dalguna observación curiosa, si se diera 'l casu).
Propúsose 'l programa Open Office Impress pal diseñu de les presentaciones y recordáronse les pautes básiques pal diseñu de presentaciones: predominiu d' imáxenes y que fueren significatives, testu cenciellu y claru.
Cada escolín/escolina escueye un animal y arrexunta lo necesario pal so trabayu que va guardando nel so llápiz USB. Con esi material, ellabora la presentación. Llueu guardaríense nuna carpeta creada pa ello, pa ser revisaes pola maestra.
Conversión a PDF y SWF. Publicación na web de la escuela d’ una muestra.
|
